Cape Verdean Creole
Transcript
Pri-eklâmpsia é un prubléma di saúdi gravi undi ki bu pode ten tenson altu duranti gravidês. Pri-eklâmpsia pode prijudika bu korpu y bu bebé.
Kuantu más sedu nu sabe ma bu tene pri-eklâmpsia, más sedu nu ta pode trabadja en parseria pa nu djuda-bu bo ku bu bebé.
Midjor tratamentu pa pri-eklâmpsia é partu. Kel-li pode ser más sedu ki speradu y pode iziji un induson di partu, induson de partu pode kumesa ku medikamento, ô bu pode meste un Seson di Sizariana
Pasientis pretu ten más xansi di ser diagnostikadu ku pri-eklâmpsia du ki pasientis di otu rasas. Rasismu y se inpaktu ta kontribui pa kel disigualdadi li, más du ki biolojia ô jenétika
Na Boston Medical Center, 1 na kada 10 di nos pasientis grávida y paridas ten pri-eklâmpsia. Bu Ten un maior xansi di ten pri-eklâmpsia si bu sta ten bu priméru bebé, si bu ten tenson altu ô si bu tevi tenson altu nun gravidês antirior ô si bu ten otu prublémas di saúdi
Bu pode ten sinal di alerta di pri-eklâmpsia, mas alvezes bu pode ka senti nenhum sintomas. Fla bu doctor si bu tene dor di kabesa fórti ki ka midjora óras ki bu toma ramedi, mudansas na bu vizon sima manxas iskuru ô flaxas brilhanti, ô dor na parti supirior direita di bu bariga.
É pusível pa pri-eklâmpsia avansa rápidu, purtantu é inpurtanti leba a sériu kualker sintomas.
Si bu ka resebe ajuda, pri-eklâmpsia pode kauza: konvulson, AVC, danus renal, danus epátiku, prublémas ku plasenta, kresimentu lentu di bu bebé, ô bebé nasi mortu.
Mante bo y bu bebé saudável! Bai tudu konsulta pre-natal. Midi bu tenson artirial na bu klínika y kontrola na kaza konformi indikason. Txoma imidiatamenti bu doctor pre-natal, si bu tene algun sinal di pri-eklâmpsia.
Fala ku bu doctor sobri aspirina pre-natal, el pode riduzi 60% di bu risku di pri-eklâmpsia.
Bo é spesialista di bu korpu. Si bu ten pri-eklâmpsia, nu sta li pa nu djuda-bu ten un gravidês y partu saudável y siguru